ამერიკული კანის მოვლის ბრენდი First Aid Beauty (შემოკლებით FAB), რომელიც ლილი გორდონმა 2009 წელს დააარსა, სპეციალურად მგრძნობიარე, ალერგიული და ეგზემისკენ მიდრეკილი კანისთვის შეიქმნა. ბრენდის მიზანია შემოგვთავაზოს კანის მოვლის “სასწრაფო დახმარება”, ამიტომ მათი ფორმულები სრულიად თავისუფალია ხელოვნური სურნელებისგან და სპირტისგან, სამაგიეროდ შეიცავს კოლოიდურ შვრიას, რომელიც იდეალურად ამშვიდებს კანს. FAB-ის აბსოლუტური ბესტსელერია ლეგენდარული დამატენიანებელი Ultra Repair Cream, “მარწყვის კანის” (კერატოზ პილარისის) საწინააღმდეგო სკრაბი KP Bump Eraser Body Scrub 10% AHA-ით და ნაზი დასაბანი Pure Skin Face Cleanser.